Sotib olish yoki sotish?
Savdoni boshlash uchun treyder long (sotib olish) yoki short (sotish) pozitsiyasini ochishi kerak. Bu atamalar narxlar koʻpincha sekin koʻtarilishi, lekin juda tez tushishi faktidan kelib chiqqan. Shu sababli, siz ehtimol “buy” pozitsiyalarini uzoqroq, “sell” pozitsiyalarini esa qisqaroq vaqt ushlab turasiz.
Biroq long va short pozitsiyalarni turli xil usullarda ochish mumkin. Orderlarning 3 ta asosiy toifasi mavjud:
- Bozor
- Limit
- STOP
Keling, ularning har birini batafsilroq koʻrib chiqamiz.
Bozor orderlari
Bu “buy” yoki “sell” tugmasi bosilgandan soʻng darhol bajariladigan orderlardir. Pozitsiya mavjud boʻlgan eng yaxshi narxda ochiladi.
Limit orderlar
Limit orderlar aktiv narxi belgilangan darajaga yetganda ishga tushadi va bu sizga joriy narxdan pastroqda “sotib olish” yoki yuqoriroqda “sotish” imkonini beradi. Ular texnik indikatorlar yoki bozor darajalari bilan birgalikda juda foydali boʻlib, bozorni doimiy kuzatib borish zaruratini yoʻqotadi. Ular bajarilganda pozitsiyangizni faqat koʻrsatilgan narxda ochadi.
Stop orderlar
Stop order avvalgi ikkitasining aralashmasidir. Bozor narxi belgilangan darajaga yetganda, u pozitsiyani ochish yoki yopish uchun bozor orderini ishga tushiradi. Bu sizga tasdiqlashdan keyin kirish nuqtasini berishi mumkin (“buy stop” / “sell stop”). Agar pozitsiya allaqachon ochilgan boʻlsa, bu orderlar foydani qayd etishi yoki zararni cheklashi mumkin.
Oxirgi ikkitasiga Take-Profit (TP) va Stop-Loss (SL) orderlari orqali erishiladi.
MetaTraderʼda limit va stop orderlar joriy narxdan yuqorida/pastda grafik ustiga sichqonchaning oʻng tugmasini bosish orqali joylashtirilishi mumkin. SL va TP pozitsiya ochilgandan soʻng darhol joylashtirilishi yoki ochilish paytida oʻrnatilishi mumkin.
🚩 Stop-Lossʼsiz HECH QACHON savdo qilmasligingiz kerak, chunki bozor har qanday daqiqada sizga qarshi harakatlanishi mumkin. Bunday holat yuz berganda, 10$ yoʻqotgan maʼqulmi yoki 1000$?
SL va TPʼni joylashtirishning turli xil strategiyalari mavjud boʻlib, ular texnik tahlil, volatillik tahlili va boshqa usullarga asoslangan boʻlishi mumkin.
Oʻzingizga eng maʼqul boʻlganini tanlang va savdoni hoziroq boshlang!
Birinchi orderingizni ochish uchun grafiklarni tahlil qiling
Nimada savdo qilishni bilib olganingizdan soʻng, uni tahlil qilish vaqti keldi. Asosiy tahlilni qanday oʻtkazish quyidagicha:
- D1 taymfreymidan boshlang.
- Qoʻllab-quvvatlash va qarshilik darajalarini chizing.
- Simple Moving Average indikatorini qoʻshing.
- Va nihoyat – umumiy trendni aniqlang (oʻsuvchi yoki pasayuvchi).
👀 Murakkab tuyulyaptimi? Yangi atamalar va vositalarni chuqurroq oʻrganish uchun havolalarga oʻting. Bozor trendini bilganingizdan soʻng, MetaTraderʼda birinchi orderingizni ochishingiz mumkin.
👉 Birinchi bitimingiz yaqin. Oxirgi qadamni tashlash uchun kursning keyingi darsiga oʻting!